ഷിഫാന സലിമിന്റെ കവിതകളിൽ മുഴുവൻ അവളും അവനുമാണ്. പെണ്ണിനോടും ആണിനോടുമാണ് കവിക്കു സംസാരിക്കാനുള്ളത്. അവരുടെയിടയിലെ പ്രണയവും പ്രണയരാഹിത്യവും ജീവിതവും മരണവുമെല്ലാമാണു ഷിഫാനയുടെ കവിതകളിൽ കടന്നുവരുന്നത്. മനുഷ്യാവസ്ഥയുടെ വിവിധ ഭാവങ്ങൾ നിറഞ്ഞ കവിതകൾ തീവ്രബിംബങ്ങളിലൂടെ ആസ്വാദകരുടെ മനസ്സിലേക്കു നേരിട്ടൊരു പാലം പണിയുകയാണ്. നിലവിലെ വ്യവസ്ഥയോടുള്ള നിരന്തര കലഹം കൂടി ആ വാക്കുകളിൽ വായിച്ചെടുക്കാം.