देशात मागील चार महिने आल्याचे दर दबावात होते. आले दराने अनेक वर्षातील निचांकी दराचा टप्पा चालू हंगामात पाहिला होता. आल्याचे भाव निचांकी २ हजार रुपये प्रतिक्विंटलपेक्षाही कमी झाले होते. परिणामी अनेक शेतकऱ्यांनी आले लागवडीकडे पाठ फिरवली होती. पण सध्या आले उत्पादकांना दिलासा मिळताना दिसतोय. दिवाळीनंतर आले दरात काहीशी सुधारणा होत गेली. मग आले दरात नेमकी किती सुधारणा झाली? आले दरातील ही सुधारणा टिकेल का? याची माहिती तुम्हाला आजच्या शेतमार्केट पाॅडकास्टमधून मिळेल.
