പ്രണയമഴ നനഞ്ഞു നിൽക്കുന്നവരാണു രോഷിന്റെ കഥാപാത്രങ്ങളേറെയും. അവർക്ക് ആ മഴയിൽ നിന്നു കയറിപ്പോരാൻ താൽപര്യമേതുമില്ല. മനസ്സിൽ പ്രണയമാവേശിച്ച അവർ വായനക്കാരുടെയുള്ളിലേക്കും ആ പ്രണയവൈറസുകൾ കടത്തിവിടുന്നു. ഗൃഹാതുരതയുടെ നനുത്ത ഓർമകളുണർത്തുന്നവയുമാണു രോഷിന്റെ കഥകൾ. ഖത്തറിൽ പ്രവാസിയായ രോഷിന്റെ മനസ്സിൽ സ്വന്തം നാടായ പുന്നയൂർക്കുളത്തിന്റെ ഒരു നീർമാതളഗന്ധം എന്നും നിറഞ്ഞുനിൽപ്പുണ്ട്.
